Sonte Peja-Ylli përballen në ndeshjen e tretë të play-off-it

13:30 | 19 Prill 2023
K.B

Peja- Golden Eagle Ylli do të përballen sonte në ‘Karagaçi’, në sfidën e tretë të play-off-it.

Pejanët janë afër finales së madhe pasi kanë fituar dy duelet e para me skuadrën nga Suhareka. Në anën tjetër, kampionët në fuqi duhet të fitojnë tri ndeshje radhazi për të depërtuar në finale.

Ndërkaq, sfida e tretë e gjysmëfinales tjetër mes Sigal Prishtinës dhe Trepçës, luhet të enjten mbrëma në kryeqytet, derisa seria e ndeshjeve është barazuar në 1:1.

Prishtinasit fituan sfidën e parë si vendas 82:70, kurse mitrovicasit fituan në “Minatori” me rezultat 77:68. Skuadra që shënon tri fitore kualifikohet në finale.

Gjysmëfinalet e treta

Sonte takohen:

20:30 Peja – Golden Eagle Ylli

Nesër takohen:

20:30 Sigal Prishtina – Trepça

Shpërndaje në rrjete sociale

Lajmet më të lexuara

Të ngjashme

Foto lajm